呢幾日嘅全球股市暴跌,其中道指創史上最大單日點數跌幅,觸發熔斷機制停巿15分鐘,係兩個星期內第三次,亦係史上第四次。唔少股評人都話,呢次係自1987年股災以來最大嘅跌幅,咁到底1987年香港股災到底有幾嚴重呢?


1987年嘅股災發生喺10月,當時係由華爾街引發全球股災,令到香港股市亦都連帶下跌,恆生指數仲跌咗成四成,真係諗都冇諗過。1987年股災嘅原因到今日都仲有好多爭論,因為係喺近乎冇不利股市嘅消息之下而引發嘅股災,事後當然有專家話係羊群心理、電腦程式交易失誤同埋市場上流動資金不足等等嘅原因,但真相係點就真係未有人知喇。


提起呢次股災,當然係要由10月16日星期五講起。當年紐約股市其實係連創新高,但收市當日紐約道瓊工業平均指數突然大幅下跌,由於時差嘅關係,亞洲股市喺隨後嘅星期一(10月19日)亦出現恐慌性拋售,恆生指數就即日跌咗400幾點。隨住香港股市嘅暴跌,亞太地區嘅股市都大受影響,出現骨牌效應,最終就傳返去紐約道瓊工業平均指數,名乎其實係全球化股災。


而當年香港聯合交易所主席李福兆喺財政司同意下,就將香港停市4日,理由係等電腦系統有時間處理交易,香港亦都係全港唯一一個主要停市嘅股票市場。但咁去到10月26日,恆生指數仲再下跌超過1100點。


原圖嚟自網絡