如果史友們有留意嘅話,香港唔少地名都係有段古講,有啲地名仲係响幾百年甚至過千年用到今日。之但係,有啲古代地名就真係講出嚟都唔知响邊。


响好耐之前阿史就介紹過昔日香港有一個地方叫春花落,位置即係今日嘅青衣。咁阿史又考考史友們,响明代《粵大記》嘅廣東沿海圖裡面,有個地方叫「鐵坑」,唔知大家又知唔知係邊度呢?睇返張地圖,呢個地方係响「香港」附近,同一個島上又有赤柱呢個地方,咁照推算就應該係港島上啦!無錯!據推斷呢個地方就係今日黃竹坑一帶。因為早响明朝個陣,响依家黃竹坑一帶已經有人聚居,而黃竹坑又有個坑字,所以就有呢個推斷。不過咁,响港島一帶就好似一直都無鐵礦之類,而黃竹坑呢個名又好似係源自於竹,所以《粵大記》中講嘅鐵坑係咪就係今日黃竹坑一帶呢?可能真係要有多啲研究先有定論。


原圖嚟自網絡