阿史早幾日就經過美荷樓，發現當年殘舊嘅嘅H型徙置大廈，依家已經活化成青年宿舍。美荷樓就屬於石硤尾徙置區首批8座六層高嘅徙置大廈之一，亦都係當年香港首個政府公共屋邨。

喺1953年嘅12月25號，一場因為火水燈而喺石硤尾寮屋區引起嘅大火令到幾千戶家庭流離失所，但亦都係因為咁，令到當時嘅政府決定着手處市民嘅住屋問題。

喺1954年開始，港府就陸續喺鄰近嘅山邊興建多層式大廈用嚟安置因為石硤尾大火而失去家園嘅災民，作業香港最早期嘅出租公共房屋，第一批就只有8座六層高嘅大廈建成。呢類大廈屬於「第一型」嘅設計，亦即係以H型做設計將住宅單位分成兩翼，每個單位亦都只係得一百幾平方呎，往往就有五個以上嘅成人住埋一齊。

至於日常生活方面，室內並無廚房或浴室，亦都冇電梯，居民就只可以用兩翼之間嘅公共廁所同廚房，其實係極度唔方便，但當年嘅鄰里關係亦都係咁樣建立返嚟。公營房屋發展計劃亦都係因為咁而開始，冇幾耐石硤尾邨就開始興建多7座十三層高嘅大廈。

原圖嚟自網絡