美國記者哈里森·福爾曼為中國留影

頭先介紹咗美國威斯康辛大學密爾沃基圖書館館藏咗Harrison Forman生前响香港影嘅相，咁呢位Harrison Forman又係何許人呢？原來呢位仁兄係大有來頭。

哈里森·福爾曼Harrison Forman係美國著名嘅記者同攝影師，1904年生於美國威斯康辛嘅密爾沃基。佢响大學期間修讀東方哲學及語言學，對東方文化有濃厚興趣。上世紀三十年代初佢就去咗中國，一邊四圍遊歷一邊影相同報道，三十年代日本入侵中國嘅情況佢都有响紐約時報供稿，另外佢去咗西藏拍得咗唔少珍貴相片。從抗日戰爭爆發前到國共內戰（佢期間離開過中國），佢留低咗唔少三四十年代珍貴嘅照片資料。佢生前嘅日記以及五千張相片依家收藏响美國威斯康辛大學密爾沃基圖書館內，所以之前介紹佢响香港影嘅相要响呢個圖書館搵到就係咁解喇！

對於呢位美國記者，中國政府對佢有相當高評價，至於點解，下次再講。