大廟灣刻石

早幾日就同史友們講到位於佛堂門、廣東省現存最古老嘅天后古廟，而喺呢頭附近，仲有一樣極具歷史意義嘅古蹟，就係大廟灣刻石，亦都叫做地堂咀刻石。

呢塊係香港現存最早有紀年嘅刻石，被列為香港九大石刻或刻石之一，係1955年由一位建築師發現。刻石整體長10呎、高同厚5呎。刻石上面有9行，總共有108隻字。

嚟到史友們最關心嘅問題，到底呢塊刻石係講啲咩呢？呢塊刻石係南宋咸淳甲戌年間刻成，即係1274年，上面係記載係一位鹽官同朋友嚟到南佛堂門遊覽附近兩座廟宇嘅歷史，對了解早年南佛堂門一帶嘅環境同有重要嘅幫助。