1863年，香港第一個水塘薄扶林水塘建成，為港島地區提供潔淨同穩定嘅食水。後嚟殖民地政府以呢個模式，响香港各區興建水塘。不過，起薄扶林呢個水塘時，其實好多地方同最初預期有好大出入。

1859年10月14日，當時港府懸賞1000英鎊，向外界尋求一個可以解決食水問題嘅方案。後嚟任職英國皇家工程部嘅羅寧提出喺港島薄扶林鋼綫灣、西高山同埋奇力山之間嘅薄扶林谷，利用兩邊嘅地勢起一個水壩，截住谷地流落嚟雨水。

羅寧本身提出嘅計劃，係起一個容量有超過3,000萬加侖嘅儲水庫，由薄扶林水塘將食水送到般含道，成個計劃仲需要一條10吋粗、長17,400英尺嘅引水管、同埋兩個儲水池，當時就報價23,417英鎊。當時港府原本係接受呢個計劃，但後來為咗減少開支，所以就將原本計劃嘅3,000萬加侖減到得返200萬加侖，規模細左好多。

不過咁，薄扶林水塘起好後，當時全港每日嘅用水量已經係50萬加侖，一個總容量得200萬加侖嘅水塘又點可以穩定供到水呢？所以冇幾耐，政府就要即時擴建水塘，亦計劃起第二個水塘。嘩！規劃得咁差，諗住慳錢點知之後仲駛得多錢，真係唔知好嬲定好笑。

原圖嚟自網絡