早幾日阿史就介紹過第一位獲得諾貝爾醫學獎嘅華人女性屠呦呦，至於點解會提起佢，就係因為佢同另外幾位華人女性一樣都入選《時代周刊》嘅100位最具影響力女性人物榜嘅名單，而榜上其中一位仲有被稱為「中國居禮夫人」嘅華裔物理學家吳健雄。

吳健雄1912年出生喺中國江蘇省，自少生活喺一個書香世家，喺11歲嘅時候就離開屋企去到蘇州第二女子師範學校求學。而去到1929年，佢就已經以頂尖嘅成績得到南京大學嘅前身國立中央大學取錄，喺求學嘅時候最初係主修數學，讀讀下就轉修物理，1934年就完成咗一篇叫做《證明布喇格定律》嘅論文，開展佢嘅物理生涯。後來佢喺中央研究院物理研究所做研究助理，喺顧靜薇教授鼓勵下，1936年8月佢就去密西根大學升學。

但係事情並冇如所料咁發展，吳健雄先係去到美國後拜訪加州大學伯克利分校，喺呢度識咗袁世凱嘅孫物理學家袁家騮，仲參觀咗放射性實驗室，令佢認識咗1939年諾貝爾物理學獎得主，回旋加速器嘅發明人歐尼斯特·勞倫斯，自此佢就喺度物理生涯，名義上佢係勞倫斯嘅學生，但實際上佢哋佢共同合作。

講咁耐，到底佢點解會被稱為「中國居禮夫人」、「物理研究第一女士」呢？唔單止佢因為佢以往參加過嘅軔致輻射、電磁輻射實驗，更重要係佢研究到點樣利用氣體擴散法分離鈾兩種元素（鈾-235與鈾-238）。雖然物理學界對佢嘅評價好高，但佢最出名嘅實驗驗證「宇稱不守恆」並冇令仍佢得到諾貝爾物理學獎，反而係佢兩位同事李政道同埋楊振寧拎到1957年諾貝爾物理學獎，而吳健雄本人喺1978年先得到嘅沃爾夫物理學獎。

原圖嚟自網絡