無論係睇小說,抑或係睇古裝片,都成日會聽到「中原」呢個名詞,唔駛講太多,單係成語就有問鼎中原、逐鹿中原等。咁好喇!咁究竟中原係响邊呢?

可能史友們見到呢條問題,都會覺得中原就係依家河南省一帶,呢個認知大致上無錯,因為呢個地區係華夏文明發源地。但係,由於中國歷朝版圖同勢力範圍都唔同,其實根本好難對中原有一個絕對嘅範圍劃定。據現代漢語詞典解釋,中原指嘅就係黃河中下游一帶,包括河南大部、山東西部、陝西東部及河北、山西南部地區。相對而言,呢個解釋就更為合理。

其實中原二字嘅重要意義並唔係地域上嘅大細,而係佢係當時人認為天下嘅中心,亦係華夏文明嘅起源地。除咗中原,古人就將呢個地域稱為中國、中土、中州。《尚書·禹貢》將天下分為「九州」,豫州位居天下九州之中,所以稱中州。又好似《詩經·民勞》就有以下呢句:「民亦勞止,汔可小康。惠此中國,以綏四方」。中原居天地之中,四周自然係蠻夷之地。亦因為咁,中原响歷朝歷代就有住好特別嘅意思。

原圖嚟自網絡