早幾日日本首相安倍晉三就提出將2020年東京奧運延期一年,而呢個決定亦都畀國際奧會接納,呢次亦都成為咗奧運歷史上第一次延期。而除咗延期之外,原來奧運仲曾經停辦過三次,到底發生過咩事呢?

講返奧運呢項國際間最高級別嘅綜合型體育盛事,最早喺出現喺古希臘之間嘅城邦,因為舉辦地喺奧林匹亞,所以就叫做奧林匹克。而後來羅馬基督教皇帝唔再畀奧運競技,奧運亦都因為咁而停辦,一停就停咗一千五百幾年喇。

咁點解停咗千幾年之後又被復辦呢?原來喺19世紀末,後人喺發掘遺蹟嘅時候重新發現呢段往事,近代就由一位法國男爵重新創立呢個現代嘅奧林匹克運動會。奧運喺1896年開始就每隔四年舉辦一次,期間因為第一次同第二次世界大戰入面因為戰亂而被迫中止,分別就係1916年、1940年和1944年呢三次,而當中1940年其實亦都係東京奧運。

原圖嚟自網絡