新冠肺炎嘅疫情全球擴散,唔少西方國家受到嚴重嘅影響,其中意大利嘅疫情仲相當嚴重,要向國際社會要求援助。而中國一知道呢個消息,第一時間就派出專家組前往意大利,咁有人就問,點解中國會咁快速幫助一個發達國家呢?原來中意關係講開真係有段故!

今年係中國同意大利建交嘅50周年,計下數就即係1970年兩國就已經建交。如果要追溯,其實喺歷史上漢朝同埋古羅馬就已經有過唔少嘅交流,但嚟到現代國家當中嘅意義就好唔同喇!

喺1930年代果陣,其實意大利就同國民黨政府就有過貿易上嘅關係,但後來第二次世界大戰嘅時候,就因為係敵對嘅陣營而關係破裂。所謂分久必合,合久必分,去到1964年,中國政府就同意大利簽定協議,先喺雙方嘅國家設立商務代表處,慢慢喺1970年11月6日建交。呢次建交點解咁重要呢?心水清嘅史友都會知道,上世紀六七十年代係冷戰嘅高峰期,唔單止中美關係緊張,同前蘇聯嘅關係同樣唔穩定。喺意識形態咁緊張嘅時期,意大利作為西方國家之一,就選擇同中國恢復建交,難怪會有人用「偉大嘅友誼」嚟形容呢段關係!

原圖嚟自網絡