尋日阿史就講到今年係中國同意大利建交嘅50周年,亦都解釋講點解中國會咁快速去幫助一個發達國家,原來除咗外交上嘅關係,中意之間仲有幾件令雙方都難忘嘅事。

1980年代嘅中國,其實醫療科技方面仲有唔少需要提升嘅空間,而西方國家入面,意大利就喺1988年開始,為中國幾個地方捐助咗大型嘅急救中心,就好似重慶、北京同埋太原,都有由意大利捐助嘅醫療急救中心,咁多年嚟救過唔少人。

而且喺近年兩次比較大型嘅疫症同災難入面,意大利都樂於伸出援手。當中講緊嘅疫症就係2003年嘅非典,史友們都可能知道意大利當年派出唔少醫生參加醫療衛生研討會,對應對疫症作出過唔少嘅幫忙。去到2008年嘅汶片大地震,意大利更加係第一批派出救援隊到汶川幫手嘅國家之一,當年佢哋一共救咗900幾人,就算嚟到今日,四川人都仲記得有一班咁嘅外國人幫過自己嘅家鄉。

原圖嚟網絡