尋日阿史就睇到單新聞,話警方喺小西灣發現到懷疑手槍同埋自製嘅子彈炸彈,聽到都嚇死人。講起小西灣,阿史就諗起以前呢度曾經都係一個軍事重地,係英國皇家空軍嘅監聽站。

香港一直都被認為係重要嘅情報中心,除咗喺1958年設立嘅大帽山情報站,其實喺小西灣富景花園一帶,都曾經有一個英國皇家空軍監聽站監聽鄰近國家通訊,只係依家已經好難再見到相關嘅遺址。早年就有媒體報導過浸大歷史系助理教授鄺智文嘅分析,話喺小西灣監聽站入面,係設有好多部通訊收音機,而所有收集到嘅資訊都會經過衞星收發反射器傳送到衞星,再轉移返去英國情報部門。而當年其實係有本地人從事相關工作,但只會係聾啞人士。

而去到80年代,由於主權回歸嘅問題塵埃落定,呢個小西灣嘅情報中心亦都被拆除,用嚟空出土地興建民居。

原圖嚟自網絡