中國女權先鋒向警予

之前阿史提到《時代》雜誌挑選咗呢自1920年到2019年嘅風雲女人物，而喺呢個排行榜入面，除咗有諾貝爾醫學獎得主屠呦呦、美籍華裔物理學家吳健雄、，仲有一位好重要嘅人物，就係中國女權先鋒向警予。

向警予出生喺土家族嘅家庭，淨係兄弟姐妹都成十個人，而幼年嘅時候就入咗新式小學讀書，冇幾耐入埋女校、去埋法國讀書，當年嚟講呢啲機會真係難得。提到向警予，可能會有史友知道佢係蔡和森嘅老婆，毛澤東同蔡和森、向警予三人都係喺長沙認識，而當毛澤東知道佢哋兩個拍拖甚至結婚，都表示相當開心，仲曾經話呢對「向蔡同盟」打破咗傳統上對舊式婚姻嘅「怕」，所以其實佢哋係一個「拒婚聯盟」（舊式婚姻）咁話。

向警予1920年喺法國同蔡和森結婚，後來加入咗中國共產黨，推動婦女運動，曾經領導過女工罷工。講到向警予被挑選做《時代》風雲人物嘅原因，就係因為係佢中國早期女權運動領袖，亦都倡導婦女受教育權，為中國女權帶嚟重大嘅改變。