港式快餐風靡神州

依家响香港，大家好容易食到唔同嘅中國各地地方菜，好似四川菜、上海菜、北京菜咁。咁史友們又知唔知，曾經有段時間港式快餐响內地非常流行，唔少香港快餐集團都北上掘金呢？

响改革開放初期，兩大快餐集團已經進軍內地飲食市場，眼見內地人口眾多，呢個潛力無限嘅市場自然吸引到香港嘅飲食集團。好似香港其中一間著名嘅快餐集團大家樂，於1992年進駐內地，重點响廣東珠三角地區開設分店，另一間著名嘅快餐集團大快活亦响九十年代進運內地市場，記得好多年前阿史响北京見過有分店。

史友們可能會覺得呢類港式快餐唔係高檔嘢，但以往响內地呢啲港式快餐就一啲都唔低檔，好似有段時間呢啲港式快餐係有侍應留客人落單點菜，同餐廳無分別，價錢亦接近香港水位，對以往內地居民而言就一啲都唔平。所以阿史以前都讀過有以往有內地大學生帶同學去食港式快餐，勁有氣派。