喺東龍島，除咗有一塊全港最早有文字記載嘅石刻，原來仲有一個清朝康熙年間建成嘅炮台遺址，喺入面仲發掘到唔少出土器物，就考古遺址嚟講，真係相當難得。

東龍島炮台，以前又叫做東龍堡、但喺文獻入面就常嘅叫法就係佛堂門炮台。呢個炮台據《新安縣志》記載「其南佛堂之山，乃孤島也。康熙年間設砲臺一座，以禦海氛」，原來炮台係喺康熙年間(1662-1722年)建成，為嘅就係防禦喺佛堂門一帶出沒嘅海盜。成個炮台係圍繞住3米嘅高牆，整體長33.5米，闊22.5米。喺呢個長方形嘅範圍入面，曾經就有15間營房同埋8門大炮。

炮台由建成起就一直有守軍，只係一個建立喺海島上嘅炮台，對於對付喺海上飄流嘅海盜並冇太大嘅作用，再加上炮台嘅補給困難，最後就喺1810年被荒廢，原來嘅功能由九龍炮台取代。東龍島炮台喺上世紀被重新發現，並且展開修繕工程，依家已經係法定古蹟之一。

原圖嚟自網絡