早前响網上知道大導演高志森同屈穎妍小姐專訪咗警隊「一哥」鄧炳強,估唔到今日睇屈穎妍小姐嘅最新文章,見到「一哥」同高導演早有淵源,連高導演自己估唔到。

據屈小姐响文章所述,當年高志森執導嘅處女作《開心鬼》,原來「一哥」係有份參演。講返小小背景先,《開心鬼》系列响八十年代係電影公司新藝城嘅皇牌作品,而高志森亦應憑呢套電影成為本地影壇備受關注嘅新晉導演。咁「一哥」响《開心鬼》裡面又係演乜嘢角色?佢本人就話係演男主角...旁邊嘅一位朋友。「一哥」就話當年仲讀緊大學,同啲同學走去拍戲賺外快,一日有成七百蚊人工,當年嚟講收入都相當唔錯。

電影《開心鬼》裡面呢位仁兄,係咪就係年輕時代嘅「一哥」呢?史友們不妨幫下眼。

原圖:電影《開心鬼》截圖