1918年西班牙流感大流行 原來當時已經呼籲戴口罩？

阿史之前就同大家介紹過1918年西班牙流感大流行，呢次嘅疫情係指上世紀1918年1月到1920年12爆發嘅全球性H1N1新型流感疫情，係人類歷史上最嚴重嘅疫症之一。爆發咗接近兩年嘅流感大流行，令到全球17億人入面有5億人受到感染。

雖然係叫做西班牙流感，但呢次嘅疫情唔係喺西班牙爆發，反而係因為喺第一次世界大戰爆發之後，好多歐洲國家都對傳媒有嚴格管制，係得西班牙有報導疫情資訊，傳下傳下就畀人當咗做西班牙流感喇。而當時資訊唔單止唔發達，仲有啲封閉，唔少珍貴嘅歷史相片都係事後先搵得返，就好似阿史今次想介紹嘅兩張相咁：

第一張相其實係1918年美國西雅圖影落，據相關嘅文字描述，就係一位電車職員唔畀一個無戴口罩嘅乘客上車。至於第二相張就幾經典下，故事就係當時發現口罩係有效防止到流感傳播，但奈何相關嘅意識並唔係咁易建立起嚟，於是1918年就有一班美國人行到加洲街上，掛埋寫有Wear A Mask嘅牌希望啲人可以戴口罩，而喺Wear A Mask下面，其實仲有一句Or Go To Jail，依家睇返真係令人概嘆，原來1918年就已經有戴口罩嘅意識。