「廣州十三行」 到底係做啲乜？

同大家介紹過嶺南、肇慶之後，阿史今次就想講下自明朝開始流傳落嚟，專門用嚟稱呼廣州對外貿易特區嘅「廣州十三行」。

廣州十三行、其實就即係後來嘅十三行街、洋貨行。喺清朝康熙二十三年，就開設當時叫做粵開關嘅廣州，專門用嚟做口岸經商，而同樣嘅口岸仲有福州嘅閩海關、寧波嘅浙海關同埋松江江海關。亦都係因為有呢個口岸，令到珠江口一帶陸續有外國嘅商人聚居。

十三行依家可能會被理解成一個地區，但喺當時其廣東最興盛嘅十三家牙行商人，佢哋都係以對外貿易為主，即係負責同華洋商打交道，做中間人買賣日常生活嘅用品又或者奢侈品。當中就以同文行、廣利行、怡和行呢幾間最出名，當時從事相關工作嘅商人，都因此獲得大量嘅財富。