中國脊髓灰質炎疫苗之父 顧方舟

講到中國近代嘅傳奇人物，除咗有阿史之前介紹過嘅伍連德、屠呦呦同埋向警予之外，仲有一位救助咗無數小朋友、消滅咗小兒麻痺症嘅病毒學家，佢係顧方舟。

顧方舟1926年喺上海出世，1944年就考入咗北京大學嘅醫學院，展開佢嘅醫學路。而去到1951年，佢就去到蘇聯醫學科學院病毒研究所繼續升學，回到中國之後就做過中國醫學科學院嘅醫長，嶺都係中國協和醫科大學嘅校長。提到佢最令人敬佩嘅成就，就係對消滅脊髓灰質炎作出咗重要嘅貢獻。

脊髓灰質炎，俗稱小兒麻痺症，患者一般會發燒、頭痛、嘔吐，但當中就少部份會因為肌力變弱而終身殘廢。喺1958年開始，顧方舟就同唔同學者合者，先係研究點樣分離脊髓灰質炎病毒，又幫手籌建中國醫學科學院醫學生物學研究所，開展進一步嘅研究。研究好快就有成果，1960年顧方舟就已經成功研製出脊髓灰質炎液體活疫苗，1962年仲研製埋叫做糖丸活疫苗，大規劃為農村嘅小朋友進行免疫計劃。喺唔夠40年嘅時間入面，中國衛生部門同世界衛生組織確認中國已徹底消滅脊髓灰質炎。