早幾日阿史就介紹咗一啲香港水塘嘅事，其實香港水塘嘅歷史阿史都講過唔少，好似船灣淡水湖都介紹咗唔只一次。不過呢個水塘其實仲有好多好有趣嘅故仔，不妨一講再講。

船灣淡水湖係全香港面積最大但容量第二大嘅水塘，相信史友們都知呢個水塘係利用堤壩封咗內灣，抽乾裡面嘅海水再引附近山溪成為水塘。而據水務署資料，响介紹就話船灣淡水湖唔單止係第二大嘅水塘，仲係天然養魚塘，湖中繁殖咗多種魚類。咁點解要咁做呢？為咗嘅就係船灣淡水湖嘅水質同生態平衡。因為水塘响陽光照射下，會容易生水藻，水藻過度繁殖會影響水質，所以水務署就响船灣淡水湖放啲魚入去食啲水藻，咁就可以維持水塘生態平衡。其實唔知船灣淡水湖，香港其他水塘都有類似做法，不過船灣淡水湖夠大，所以魚嘅數量較多咁解。

原圖嚟自網絡