呢排大台就播緊一套《機場特警》嘅戲,咁當然係講機場特警組點樣維持機場警區嘅秩序同保護市民啦,而呢套劇播咗差唔多一個星期,就有人話部分嘅故事情節同當年梁朝偉、劉青雲主演嘅《新紮師兄》有幾分相似。

今次負責監製《機場特警》嘅陳耀全就話到明,自己係《新紮師兄》嘅忠實粉絲,仲話當年呢套戲畀過佢好多嘅啟發。《新紮師兄》當年真係好巴閉,1984年嘅電視劇,搵嚟梁朝偉、張曼玉、劉青雲及劉嘉玲做第一輯嘅主角。故事以少年警察訓練學校做背景,講述幾個入咗學堂嘅少年「Fit佬」、「好姐」同埋「傑佬」等,由訓練去到加入警隊嘅經過,當中又穿插愛情元素,令到成套劇更加有趣。

呢套戲今日睇返都覺得卡士強勁,而且當年主題曲《伴我啟航》,依家聽返都覺得熱血。

原圖嚟自網絡