今日係《香港基本法》正式頒布30周年紀念嘅大日子,對於香港呢個地方同香港人而言,《基本法》可以話非常重要。《基本法》嘅由來阿史之前都介紹過,今次就講講《基本法》同「五十年不變」呢句話嘅關係。

根據香港《基本法》第五條條文:香港特別行政區不實行社會主義制度和政策,保持原有的資本主義制度和生活方式,五十年不變。「五十年不變」呢個承諾,就係來自於已故國家領導人鄧小平。1984年6月22日、23日,鄧小平分別會見香港工商界訪京團同香港知名人士鍾士元時,重點闡明「一個國家,兩種制度」嘅構想,仲咁講過:「我們對香港的政策五十年不變,我們說這話是算數的。」到咗1984年10月3日,即《中英聯合聲明》响北京草簽後一星期,鄧小平响人民大會堂會見港澳同胞國慶觀禮個陣,就講過:「作為一個大國有自己的尊嚴,有自己遵循的準則。我們在協議中說五十年不變,就是五十年不變。我們這一代不會變,下一代也不會變。」

《基本法》第五條條文,代表住國家對香港人回歸之後「五十年不變」嘅重要承諾。

原圖嚟自網絡