响上世紀八十年代，起草《基本法》係香港一件重大事宜，有關《基本法》諮詢嘅宣傳工作自然唔少得，响當年為咗推廣《基本法》諮詢稿，結果使出咗一招絕招：「有請小鳳姐」。前特首梁振英幾年前曾經分享過呢段往事，話當年廣告界重量級人物紀文鳳策劃整個推廣活動，而紀文鳳就邀請到徐小鳳唱推廣用嘅廣告歌，小鳳姐亦義務幫忙。結果「雙鳳」合壁，效果奇佳。呢個經典廣告，唔知史友們有無印象呢？