《老夫子》出版人吳中興逝世

陪伴唔少香港人成長嘅經典漫畫《老夫子》嘅出版人、漫畫界嘅巨人吳中興先生就喺尋日逝世，享年98歲。吳中興先生唔單止係吳興記書報社嘅負責人，仲對從事過出版發行業超過半世紀，對出版業發展舉足輕重。

而提起吳中興最廣為人知嘅故事，就係發掘到《老夫子》呢套漫畫。據早年嘅媒體報道，吳中興算得上係出版界嘅星探，佢當年就喺1964年《星島晚報》見到第一代王澤嘅畫作之後，就覺得好得意。而佢後來就講返，按佢當時十一年從事出版業嘅經驗，當時王澤嘅畫功已經係行內頂尖，而且內容幽默，好有發展嘅機會。後來，佢就經王澤嘅家姐認識王澤，展開呢部四十幾年本地漫畫刊物。《老夫子》第一冊6,000本一發行，就喺兩日之內賣晒，認真誇張。

講開又講，吳興記其實唔單止促成《老夫子》，後來佢仲力捧過青少年娛樂雜誌《YES！》同埋漫畫《龍虎門》，真係幾代人嘅回憶。