「鐵娘子」戴卓爾夫人逝世

有「鐵娘子」之稱嘅英國前首相戴卓爾夫人喺2013年嘅今日因為中風逝世，終年87歲。

戴卓爾夫人係英國第七十任嘅首相，佢創過唔少嘅先例，就好似佢20世紀以嚟任職時間最長嘅英國首相，更加重要嘅係，佢係第一位由選舉產生嘅主要政黨黨魁、更加做埋英國史上第一位女首相。「鐵娘子」呢個稱呼係由一位訪問佢嘅蘇聯記者講，因為覺得戴卓爾夫人施政方面保守、唔容易妥協，成個風格就似足一個堅強嘅女性，所以就改咗呢個稱呼。戴卓爾夫人先後做過下議院議員、教育及科學大臣，後來去到1975年先成為反對黨領袖，最後响1979年英國大選中當選英國首相。

講到佢最令香港人熟悉嘅一面，大概就係喺中英就香港問題進行嘅談判，亦都係「鐵娘子」喺佢政治生涯入面少數嘅妥協。2013年4月8日，繼2002年以嚟多次輕度中風之後，戴卓爾夫人再次中風，而今次「鐵娘子」真係離開喇！