相信讀書讀過中史嘅史友們，都應該讀過鴉片响清代點樣荼毒國民，點樣令中國啲白銀外流等等等等。今時今日睇食鴉片好似百害而無一利，之但係，响清代甚至民初個陣，食鴉片係可以好講究，並唔係想像中咁簡單。

最簡單嘅理解，就係鴉片最初係洋舶品，即係入口貨。所以買得起食得起鴉片嘅人，基本上都係有錢人，而响清代個陣，食鴉片係上流生活嘅玩意，唔少公子哥兒敗家仔都有呢鋪癮。好似圖中兩位公子，一邊take嘢一邊玩女人玩寵物，真係識嘆。大家可能又會問，以前都見過一啲以前嘅平民，瘦到得排骨爛衫爛褲但都攞住支煙槍食鴉片。咁係因為响清末個陣，中國全國鴉片需求極大，所以就出現本地種植嘅「國產貨」，但「質素」就同外國差好遠，所以價格較平，窮人有煙癮就只有食呢種喇！

原圖嚟自網絡