近排新冠肺炎喺香港嘅確診個案又再開始上升,咁就有唔少組織都開始舉辦唔同嘅活動,宣揚抗疫嘅一啲知識、派下防疫用品畀有需要人士咁。而阿史就諗返起2003年果陣,都有唔少有心人舉辦過類似活動,其中一個相對大型嘅叫「全民抗炎大行動」。

呢個「全民抗炎大行動」由工聯會同埋廣東社團聯會等機構合辦,依家睇返內容都幾豐富。既有組織義工清潔街道、亦都有「齊建體、抗肺炎」嘅抗炎八式健體操教學,希望可以幫到港人強身健體咁話。而講到最大規劃嘅一次活動,就係有成千個團體一齊參與,喺全港140幾個唔同位置,動員超過2000人為前線醫護籌款,而呢次係成個活動嘅第二階段,就係全港市民用實際嘅行動為醫護打氣同慰問。而除咗咁,當年仲有唔少家訪、派發抗炎湯包嘅活動,唔知史友們又有冇印象呢?

原圖嚟自香港工會聯合會70周年圖集