新界首座警署—舊大埔警署

早排阿史就講到大埔係當時英國人用嚟做新界嘅行政中心，而最早期起嘅一座建築並唔係舊北區理民府或者前政務司官邸，而係舊大埔警署。

舊大埔警署位於運頭角，係英國人喺1899年接管新界之後喺新界所設立嘅第一座警署。運頭角亦都叫做旗桿山，事關係1899年實行展拓香港界址專條租借新界嘅時候就係喺呢個位於搭警棚並且舉行升旗禮。

舊大埔警署喺1899年建成，由兩座單層建築組成，分別係主樓同埋職員宿舍，最早期嘅時候，呢間警署就只有5位歐籍同埋32位分別係印度籍同埋華籍嘅警員直到1949年為止，舊大埔警署都係新界嘅警察總部。而後來就先被用嚟做分區警署，去到1987年新嘅大埔警署成立之後，呢度亦都停止運作。