香港首個新市鎮—荃灣新市鎮

上世紀嘅60年代尾，港府除咗興建公共屋邨，仲開始規劃喺新界發展大規模嘅新市鎮，而早期嘅政府文件入面，係呢類新市鎮叫做衛星城市，而第一個發展嘅就係荃灣。

喺上世紀40年代，隨住戰後嘅人口增長，令到市區嘅環境相當擠逼，而當時受到英國建築師荷畏特1898年構想嘅「花園城市」啟發，港府就決定要發展新市鎮容納急增嘅人口。當時嘅新市鎮計劃喺1960年代就由拓展署開始規劃同埋開發，直到1970年代先正式動工，目標係先喺新界發展三個新市鎮，為當時420萬人入面嘅180萬提供居所。

新市鎮計劃並唔係單單起樓就算，而係想做到「自給自足」、「均衡發展」，希望可以滿居民喺房屋、就業、教育、康樂等方面嘅需求。最初規劃嘅三個新市鎮分別有荃灣、沙田同埋屯門，而荃灣就成為第一個新市鎮，發展到依家已經有八十萬人口。