「香港八景」相信都有唔少史友聽過,甚至親身去過。當中比較出名嘅除咗有「扶林飛瀑」、「旗山星火」,仲有一個位於太平山山頂嘅景點,「仙橋霧鎖」。

「仙橋霧鎖」其實就係指緊一條位處山頂,以香港第十四任總督盧吉爵士命名嘅行人路。呢條建於1913年至1914年嘅道路並唔係普遍嘅道路,而係一條喺在峭壁鑿石立樁而起成嘅棧道,以當時嘅技術嚟講並唔係容易工程。成項工程當年花費接近5萬港元,被稱為係「人工征服自然者之最偉大工程」,企喺盧吉道係可以飽覽太平山下嘅風光。

盧吉道除咗以景色聞名,「大霧」方面都好出名,喺棧道之上被霧氣圍繞,難怪會被列為香港八景之一嘅「仙橋霧鎖」。

原圖嚟自網絡