呢兩日兩岸娛樂新聞都有報道，著名台灣歌手劉文正病逝，好多老一輩歌迷對呢位老牌歌手離世感到非常遺憾。點知今日事件又峰迴路轉，之前傳出佢死訊嘅劉文正經紀人兼好友又改口話佢未死，呢件事真係奇奇怪怪。
劉文正响上世紀七十年代冒起，1975年發行首張專輯《諾言》一戰成名，代表作包括《蘭花草》、《外婆的澎湖灣》等，除咗唱歌了得外，佢高大靚仔形象亦成為當時愛情文藝片男一之選，响1975年到1982年，演出咗22部愛情文藝片，成為台灣家喻戶曉嘅影視巨星，亦有華語樂壇偶像始祖美譽。不過佢就响最紅嘅時期選擇漸漸退出幕前，後嚟响創立音樂製作公司培育新人，伊能靜、 巫啟賢都曾經係佢旗下歌手。之後佢退休去咗美國，期間有傳台灣影視企業想重金邀請佢復出但被佢拒絕咗，神隱多年。
而响佢當紅時期，兩岸三地都有唔少佢嘅粉絲，响內地1980年代就歌壇名言：「男學劉文正，女學鄧麗君」，有內地網民得知劉文正離世，就話佢同鄧麗君影響咗中國一代演唱風格，而劉文正更係偶像型歌手「男神」始祖，絕對係一代人物。
原圖嚟自網絡