响今次財政預算案中,除咗財爺會派錢外,唔少人都關警隊今年會增加預算同增聘二千幾人,增聘嘅人手會集中响機動部隊、警區前線警員、反恐工作。


機動部隊俗稱藍帽子,係隸屬警務處行動處行動部,係準軍事化嘅防暴警察,好多時大家會响新聞見到佢哋會响各種重大事故包括大規模衝突當中執行任務。好喇!咁藍帽子又係幾時出現呢?答案就係1968年喇!香港响1967年經歷大半年嘅街頭騷亂後,當時嘅警務處長就覺得警隊當中要有一個專門負責防暴嘅部門,最終响1968年警察機動部隊正式出現,專門處理本港發生各種重大事故以及警務行動。不過,其實响警察機動部隊正式成立之前,警隊已經响1958年成立警察訓練分遣隊,職責同警察機動部隊類似,出現原因又係同大型社會騷亂有關,就係1956嘅「雙十事件」。


原圖嚟自網絡