早排阿史就同介紹過《上甘嶺》,亦都講過近排喺內地強勢上映嘅抗美援朝電影《金剛川》,而阿史就諗返起以前睇過嘅一部《英雄兒女》。

《英雄兒女》呢部電影來頭並唔簡單,呢部1964年攝制嘅電影由新中國第一間電影製片廠長春電影製片廠攝製,而電影劇本就係按照巴金所寫嘅《團圓》改編。喺當時嘅時代背景之後,其實巴金都唔係冇啦啦創作《團圓》,而係受到曹禺、丁玲參加全國文聯組織而創作出嚟,作品喺1961年發表,故事大概就係描述一對喺戰場上重逢嘅父女。

咁嚟到電影又變成點樣呢?時任文化部副部長夏衍就負責將呢本小說改編成電影,故事就係講述喺抗美援朝期間,志願軍戰士王成參戰,手持炸藥包衝入敵人陣地進行攻擊,直到戰鬥到最後一人都不甚大喊「向我開炮」,同敵人同歸於盡嘅故事,而呢個故事嘅原型正係軍人楊根思、蔣慶泉、於樹昌、趙先友等。故事本身亦都加入咗失散父女團圓嘅主線,將當時嘅時代背景描繪得相當清楚,令到戰爭電影入面亦都帶有溫情。

原圖嚟自網絡