香港仔街市「氣味」令人難忘

對港島南區居民而言，位於香港仔嘅香港仔街市就一定係區內著名「景點」，未去過都一定經過過。不過，呢個地方將會同各位街坊暫別一年，因為要裝修。

香港仔街市响絕對係香港仔一帶居民嘅集體回憶。街市係1983年啟用，係响香港仔市政大廈裡面，大致有三層，最低個層係賣海鮮同水果為主，一樓個層就以肉食檔為主，二樓個層就係乾貨檔。而响一樓同二樓之間有個一小層就賣衫褲鞋物，响二樓個陣北邊盡頭就係熟食市場。而三樓以上就係唔同類型嘅康樂設施，包括圖書館、體育館等。而街市响市政大廈裡面呢種設計，就由七十年代開始响香港各區出現。

講到香港仔街市，令街坊最難忘未必係啲嘢又平又靚，而係又濕又臭。據講呢個街市通風系統同排水做得唔好，特別係一樓豬肉檔個排位，即使樓底再高但因唔係四面通風，所以個街市長年有一陣怪味，夏天個陣就更加又熱又臭。另外，街市西邊個邊嘅香港仔中心樓價好似長期低水，因為個邊啲單位對住熟食市場排油煙個位。