眾所周知中國係一個地大物博嘅國家，而喺地大物博背後亦都伴隨住一個問題，就係南北嘅水資源分布唔平均。每年南方都有唔少豐富嘅水流流入大海，而北方就有唔少地區好似京津冀地區受到長期嘅乾旱缺水，甚至人均水資源遠遠低於國際標準，嚴重影響到工農業生產。
為咗解決呢個問題，其實早喺1950年代就已經開始研究點樣進行「南水北調」呢個工程。經過多部門、多次會議、幾十年嘅探討，最終就決定分別由長江上、中、下游進行調水，亦即係後來嘅西線工程、中線工程、東線工程。而當成個工程完成之時，每年其實就有一條黃河嘅水量可以利用，絕對保障到中國糧食安全，促進到西部大開發。
而呢件意義咁深遠嘅事件，就喺2002年12月27日正式展開，直到2021年初，南水北調工程就已經累計調水超過400億立方米。
原圖嚟自網絡