珍寶海鮮舫日前沉咗個廚房，又再次成為香港人討論嘅熱話，亦都有人問，珍寶拖走，咁旁邊的太白又會點樣處理呢？
講到太白，呢艘海鮮舫其實歷史仲耐過珍寶。太白係响上世紀五十年代响香港仔避風塘營業，係當時香港仔避風塘中最大的海上食府。後嚟因為生意大好，所以船主就整咗隻新嘅「太白」，規模更大做更多生意。至於原本個艘太白就拖咗去青山灣一帶做生意，所以响六十年代太白就唔止得香港仔個艘，青山屯門個頭都有一艘。之前亦有史友問過點解新界一帶會有一隻太白就係咁解喇！
講到太白，唔少人都會記得周星星套《食神》最後一場決鬥就係响太白裡面拍攝。如果太白响香港消失埋都真係幾可惜。
原圖：《食神》劇照