「為何離別了,卻願再相隨,為何能共對,又平淡似水~」情歌或愛情劇之所以受歡迎,好大原因係觀眾容易產生共鳴,甚至係有類似經歷。响幾年前阿史介紹過《最愛》呢套電影,今次藉二月呢個機會再介紹下。


《最愛》係張艾嘉向1986年自編自導自演嘅電影,主角係佢本人加埋繆騫人同林子祥,故事大概係講吳明玉(繆騫人飾)同白芸(張艾嘉飾)呢對老友,响一次下午閒聊之中,發現咗佢原本廿年幾來佢哋响感情上都係愛情三角錯。當年白芸同林俊彥(林子祥飾)互生情愫,但礙於明玉佢兩個無喺埋一齊。而明玉其實都察覺佢哋有啲唔妥,於是响一次佢哋相約之時,就假冒俊彥將一張絕情卡片寄俾白芸,要白芸死心。但結果係白芸原來最後都係有同俊彥見面,明玉知道當年呢件事後先發現白芸個女(李麗珍飾)係自己老公同最好朋友嘅骨肉。不過,老公走咗,仔大女大,人生到咗最後階段,乜都睇得開,最後佢兩個就同成班仔女共晉晚餐。啲人成日都話,同你一齊嗰個,未必係你最愛嗰個,最愛呢套電影就係想講呢樣嘢。


講開又講,張艾嘉係咪有類似經歷就阿史就唔多清楚,不過電影主題曲《最愛是誰》嘅填詞人潘源良,就有類似經歷,所以手詞先咁到肉。


原圖嚟自網絡