响八九十年代，無論大台抑或亞視都有好多搞笑節目，其中一套就係有獎門人同泥猛驄嘅開心主流派，當中開心字典就最過癮。


「開心字典」係昔日亞視搞笑節目《開心主流派》嘅一個環節， 主持人曾志偉同林敏驄扮演曾教授同林班長教大家一啲唔係好深但又好新嘅字。開心字典可以話係無厘頭文化嘅一大經典，細個睇個陣真係覺得超搞笑，最勁嘅係曾志偉同林敏驄唔笑個下好嘢。除咗「開心字典」，《開心主流派》仲有好多經典內容，阿史幾年前就介紹過其中一集「臭口家族」短劇，個種流利同自然真係令人覺得非常寫實。年紀大小小嘅史友可能都仲記得，當年《開心主流派》同大台嘅同類型節目《笑聲救地球》可以話係打成平手，亦係唔少人嘅開心回憶。


原圖嚟自網絡