記唔記得呢個朱古力廣告？

提起經典嘅零食廣告，阿史印象中最深刻嘅就有呢隻朱古力廣告，當時一出街就已經引起全球注視，唔知就咁睇圖史友們又記唔記得係點呢？

呢個廣告係由英國朱古力廠商吉百利拍攝，2009年播出，當時就想介紹全新紙盒裝吉百利牛奶朱古力，又想有「快樂分享」嘅理念，於是就請嚟一對小朋友，配合響鬧聲同埋汽球，表演「眉飛色舞」畀大家睇。呢段廣告一出，喺英國當地引來極大嘅迴響，電視台、Youtube等等全部都係呢對男女主角嘅「眉舞」片段，仲有一段好長時間高踞影片分享平台嘅榜首。

阿史當年都睇得幾開心，之不過喺香港嘅情況就有啲唔同。當年就有20幾位市民睇完呢個廣告之後，走去影視處投訴廣告教壞細路，搞到佢哋學識「擠眉弄眼」，又有市民話睇到好唔舒服，要求停播咁話。果然，文化差異一直都存在。