男女公務員開始同工同酬

今時今日男女喺職場上嘅地方基本上已經變得相對平等，甚至乎如果有職場歧視嘅情況仲可以通過平機會跟進，但到底係幾時開始先至出現呢啲改變呢？喺1981年嘅今日，公務員嘅體制入面就出現咗啲變化。

喺80年代甘嚟講嚟講，傳統觀念、甚至係政府就覺得男性係家庭嘅經濟支柱，女性就只係輔助收入，喺呢啲觀念盛行之下，就算同樣係公務員，女性亦都只係得男性公務員三分之二嘅人工。經過唔少高級公務員游說同埋爭取之下，呢個情況最後都得以改善。

喺1981年11月13日，港府就公布咗一項新政策，就係規定男女公務員同工同酬，已婚嘅女性公務員都可以擁有房屋、醫療同埋子女教育等等嘅津貼，而當年全港已婚嘅女性公務員一共有一萬五千幾人，呢個數目相當唔簡單，亦都標誌住香港向男女平等邁進一大步。