1945年8月15日,呢一日對世界各國嘅和平嚟講係相當重要嘅一日,事關喺77年前,日本就正式向同盟國無條件投降,象徵住第二次世界大戰正式結束!
其實熟悉二戰歷史嘅史友們都知道,日軍早喺1945年7月就已經無法繼續實行作戰任務,即使同盟國向日本實行東京大轟炸,摧毀日本大部份嘅工業設施,日本都仍然仲未決定要投降,甚至仲打算計劃反擊。直到1945年8月6日以及8月9日,美軍分別向廣島以及長崎呢兩個地方投放原子彈、蘇聯都喺8月8日廢除《日蘇中立條約》,打算大規模進攻日本之後,喺兩項衝擊接踵而嚟下,昭和天皇先決定要求軍事參議官會議接受美國、英國、中國與蘇聯喺《波茨坦公告》所訂下嘅停戰協定。
最終,日本昭和天皇喺8月15日以電台錄音方式向全國發表《終戰詔書》,日本正式戰敗向同盟國無條件投降!
原圖嚟自網絡