最近阿史就睇返香港各區各地嘅古怪地名,發現香港其實都好多古古怪怪地名,其中一個地方就叫做烏鴉落陽。
烏鴉落陽係新界粉嶺一個地方名,位處於梧桐河南岸、馬屎埔以西。呢個地名咁特別,據講係同風水有關。响風水學上「烏鴉落陽」格局係被視為風水寶地,而呢個地方昔日就係有咁嘅格局。昔日呢個地方有成幾百戶人居住,仲有一啲輕工業山寨廠,但到咗今時今日最出名嘅就係一個「鬼城」。呢個「鬼城」其實係一個大型發展商响當地起嘅低密度房屋住宅項目,但由於發展商原本發展計劃受阻,令已經起好嘅十幾幢洋房丟空咗,成為當地一個「奇景」。
原圖嚟自網絡