提起南非，係咪第一時間諗起森林和原野呢？無錯，去得南非就梗要去野生動物園喇。南非大大細細嘅野生動物園有成千個咁多，當中最出名嘅梗係南非第一座國家公園——克魯格國家公園（Kruger National Park）。

呢個公園喺1898年創建，喺由當時波耳最後一任總督Paul Kruger所創，Paul Kruger為咗阻止日益嚴重嘅偷獵現象，從而保護薩貝爾河沿岸地區嘅野生動物，於是宣佈將該區劃爲野生動物保護區。隨住保護區嘅範圍不斷擴大，克魯格國家公園成為非洲最大嘅自然保護區之一，佔地約2萬平方公里，仲喺1926年正式升級為國家公園。

要遊覽一個咁大嘅公園，最好嘅方法就係自己揸車或者租佢啲吉普車遊覽，如果可以一次過集齊克魯格國家公園入面嘅BIG FIVE：獅子、 大象、犀牛、水牛同豹，可以話係相當LUCKY喇。