1910年3月26日，被韓國人視為民族英雄嘅安重根於旅順監獄被處死，終年30歲。點解安重根會被韓國人視為民族英雄呢？咁係因為佢响1909年10月26日响哈爾濱火車站成功刺殺日本首任朝鮮統監府統監伊藤博文。安重根出身係一個富裕家庭，响日本吞併朝鮮半島後佢就參與抗日活動，為咗對抗日本，佢响俄國同中國進行秘密活動，目的就係為咗恢復韓國嘅獨立。而响擊斃伊藤博文後，安重根當場被捕，經關東都督府地方法院審訊後判安重根死刑。