上兩個星期介紹咗祆教（即拜火教），前個陣咁啱响新聞報道上見到香港有個富商去咗一帶一路沿線國家影咗好多相，其中一張就係位於伊朗亞茲德嘅拜火教火神廟。亞茲德係古代絲綢之路其中一個繁榮嘅城市，昔日係唔少穿梭東西商旅嘅中途站。據聯合國教科文組織指，亞茲德係世上第二古老嘅城市。而位於亞茲德嘅拜火教火神廟，廟內保存住相傳燒咗1500年嘅「聖火」。不過，呢間廟其實係响1932年建成，「聖火」亦係响1940年「落戶」到呢度。