早排行過酒樓，隱約見到個貌似吳剛師傅嘅人，當然好想衝過去合照啦，點知佢九秒九唔見咗，緣慳一面。話說吳剛師傅（同一年代嘅人肯都會加師傅兩隻字）九十年代經常露出上半身，搽曬油咁現身電視台籌款節目，做出各項亡命表演，好似吞炭飲滾油、瞓玻璃碎、巨型電鑽版心口碎大石、好似五馬分屍咁被電單車扯住四肢、舔熱鐵棒等，睇到觀眾嘩嘩聲兼勁肉緊，仲幫手籌到大筆善款。

不過講到最深刻，阿史認為係纓槍插心口，幾枝纓槍捅埋身，之後仲要表演用幾枝纓槍撐起大字形的吳剛師傅，真係見到都戥佢痛。

吳剛師傅後嚟轉行做生意，搞飲食業，報道話吳剛師傅同娛樂圈嘅人比較熟，成日會借個場畀劇集拍攝，甚至啲藝人搞婚禮，都會麻煩佢幫手。

原圖嚟自YouTube截圖。