2003年6月23日,世界衛生組織將香港剔除出沙士疫埠名單之中,並且高度讚揚香港喺控制沙士喺住球爆發方面作出嘅努力,並且喺通報沙士個案方面持開放以及透明嘅態度。

呢場嚴重急性呼吸道症候群冠狀病毒引發嘅流行病疫情喺2002年11月開始至到2003年9月分別喺29個國家發生,疫情喺全球令到8000幾人受到感染,其中香港就喺2003年2月爆發沙士,唔單止醫護人員受到感染,亦都喺淘大花園發生嚴重嘅社區爆發。沙士疫症喺香港足足維持5個月,期間就一共有1755人受到感染,299人不幸身亡。

隨住最後一宗確診個案喺6月2日錄得,相隔二十幾日後,世界衛生組織就將香港剔除出沙士疫埠名單之中。

原圖嚟自網絡