伊利近街點解叫做「泥街」？

繼續同史友們介紹一啲香港嘅特色街道，提起中環區嘅伊利近街，相信唔少史友都會諗起蘇豪區同埋唔少特色嘅餐廳，之但係伊利近街呢個名又係點樣嚟？點解又會有個別名叫做「泥街」呢？今次阿史就同大家介紹下啦！

伊利近街位於中環荷李活道以南，係一條單線上山嘅行車路，之所以叫做「伊利近街」就係同一個人有關。喺第二次鴉片戰爭果陣，清朝戰敗並且要同英國政府商議北京條約，負責呢次條約談判嘅人正正就係伊利近，佢作為全權公使、首席談判代表隨英軍至北京，但當時清軍為咗報復英軍焚燬圓明園，就捉走咗伊利近並且囚禁至死，所以後來政府就將呢條街道命名為伊利近街紀念呢個佢。

咁呢條街道又係點解叫做泥街呢？原來喺早年街道建成之時泥塵遍地，路面由於長期都有泥土堆積，一到落雨天就有大量雨水喺堅道沖落嚟，令到成條街道都係泥，所以就叫做泥街喇！