接生5萬嬰兒畢生未婚 「萬嬰之母」林巧稚

繼續同史友們介紹我國嘅一啲傳奇人物，以往就同史友們介紹咗唔少「中國之父」，今次就想同大家介紹一位唔少中國人嘅「母親」，佢就係被稱為「萬嬰之母」嘅林巧稚。

林巧稚喺1901年出生喺福建一個基督徒家庭，年幼時母親就因為子宮頸癌去世對佢未來造成好大影響，而佢亦都喺1921年被協和醫學院錄取，並且喺1929年畢業並獲醫學士學位，被聘為協和醫院婦產科大夫，亦都係呢間醫院第一位畢業留院嘅中國女醫生。其後佢就去到英國倫敦醫學院、曼徹斯特醫學院、美國芝加哥大學醫學院深造，1940年回國之時已經好快成為婦產科主任。

咁點解佢會被稱為「萬嬰之母」呢？除咗因為佢畢生接生咗近5萬嬰兒之外，原來喺佢回國之後，林巧稚唔單止代表我國出席唔少世界醫學會議，而且仲帶領學生葡萄胎、子宮絨毛膜上皮癌進行研究，成功推翻外國專家分析200例葡萄胎病例得出嘅結論；喺政府支持下，佢又對7萬多29歲以上婦女進行抽樣檢查，一切都係為咗可以降低新生嬰兒死亡率。而喺佢生命最後嘅時光，佢都係作為醫學代表考察西歐，仲堅持完成《婦科腫瘤》一書。