今日喺中國人民志願軍赴朝作戰拉開抗美援朝戰爭序幕72周年，喺呢個咁重要嘅日子就當然要同史友們介紹一啲曾經為我國付出過血汗嘅英雄人物，今次就同大家講一講呢位抗美援朝一等功臣蔣誠。
蔣誠出生喺1928年嘅重慶，自小家境貧困嘅佢一直都想改變家中嘅困境，直到佢見到解放軍嚟到重慶之時，佢就毅然加入軍隊，成為第11軍嘅一名戰士。喺佢加入軍隊一年之後，抗美援朝嘅戰爭就正式爆發，為咗保護國家安全，蔣誠就喺1951年入朝作戰。
喺佢經歷過嘅幾年軍旅，大大小小幾百場戰役當中，蔣誠始終都係奮勇作戰，立下唔少戰功。其中最令佢印象深刻嘅始終都係上甘嶺戰役。喺呢場戰役當中，美軍派遣大量部隊向上甘嶺發起瘋狂進攻，火炮、坦克接近500之數，完全就係戰力之間嘅差距。喺缺乏先進武器嘅支援下，蔣誠所在嘅部隊被派到上甘嶺支援。當時我軍面對敵人強大火力壓制，但蔣誠就憑住重機槍對準低空盤旋嘅飛機逐架擊落，喺呢場戰役當中立下一等功。
喺多年嘅戰役當中，蔣誠曾經身受重傷，連腹部都曾經被炸穿，但憑住「一往無前」嘅精神，最終殺敵幾百人。1954年，蔣誠隨部隊回國並且服從國家需求，選擇復員回家。
原圖嚟自網絡